Percorrido fotogrráfico polo rostro dunha aldea, a miña, Pacios, no Incio. Reconciliación cun lugar do que marchei cara os 25 anos. 34 veciños, 34 retratos na procura do rastro de meu pai, xa finado, nos rostros de todos eles.

Vida e morte cobran sentido mais que nunca nunha aldea na que todos parecen estar agardando algo definitivo. Experiencia vital na que eu volvo a traballar con eles, pero esta vez cunha cámara de pracas de 9x12. Proceso lento, traballo lento, un click emocional, a verdade dos rostros, a verdade dun rostro, ¿cal é a verdade?, non hai unha soa verdade.